W poslednim tydźenju do zymskich prózdnin běše w sportowej hali wulki hołk a tołk z kostimami. Dwě hodźinje dołho swjećachu naše šulerki a naši šulerjo póstnicy. Při tym wězo najwjetši čas rejowachu, ale so tež w jednotliwych hrach wubědźowachu. Wosebje so młodym noram lubješe, hdyž měrichu jako rjadowniski cyłk mocy přećiwo paralelnemu lětnikej. Z něšto plackami, dobrym napojom a wulkim přikleskom za dj-ja z Kumwałda podachu so šulerki a šulerjo zaso do šule!

Po tym, zo njemóžachmy před lětomaj pandemije dla Ptači kwas zjawnje woswjećić, běše to lětsa skónčnje zaso móžne. Nimo třećeho lětnika je so tež druhi lětnik po starej tradiciji na kwasnym ćahu wobdźělił a w kopaće połnej ćěłozwučowarni staršim, wowkam, dźědam a dalšim přiwuznym rjany program předstajił. Wo dobru skipku tykanca a čerstwy kofej postarachu so kaž přeco šulerki a šulerjo 4.lětnika ze swojimi maćerjemi. Po programje poda so 3.lětnik hišće do Domu swj. Jana do Smječkec, zo by tamnišim wobydlerjam někotre wurězki z programa pokazał. Wulki dźak słuša wšěm sobuskutkowacym, pomocnikam a podpěraćelam tuteho krasneho nałožka. 

3. lětnik:  njewjesta: Johana Šołćic, nawožeń: Jakub Bětnar, braška: Ludwig Jakubaš

2.lětnik: njewjesta: Luiza Zarjeńkec, nawožeń: Konstantin Lukaš, braška: Milan Smoła

P

Kaž je hižo z tradiciju, je so tež lětsa pola nas na našej  zakładnej šuli "Michał Hórnik"  čitanske wubědźowanje w třećim lětniku přewjedło. Najlěpšej čitarjej běštaj tónkróć Mariella Matkec a Paul Cuška (srjedźa z pokalom).  Dalši šulerjo docpěchu dobry wukon. Su to wotlěwa Martha Zimmermanec, Lucija Hozec, Mara Kubašec, Ben Šmit, Sofija Šwejdźic a Aleksander Wolf. Wutrobnje gratulujemy wšitkim za prima wukon!