Kaž je kóždemu znate, nosytaj wyša kaž tež zakładna šula we Worklecach mjeno Michał Hórnik. 1.septembra 1833 so duchowny a jedyn z najsławnišich spěchowarjow serbskeje rěče we Worklecach narodźi. Kóžde lěto na 1.septembru tuž šulerki a šulerjo zakładneje šule z Worklec na njeho spominaja a du k pomnikej při kromje wjeski. Tež lětsa wučerka Jadwiga Ošikowa třećemu a štwórtemu lětnikej wo sławnej wosobinje při pomniku powědaše – holcy a hólcy móžachu sej při prašanskim kole samo mały plack wudobyć. Na lóštne wašnje sej tón abo tamnu informaciju wo Michału Hórniku lěpje spomjatkowachu.
Wie jedes Jahr besuchten unsere Kinder auch diesmal am 1.September das Denkmal Michał Hórniks, um sich an ihn zu erinnern. Lehrerin Frau Oschika bereitete einige Fragen vor, welche die Kinder beantworten mussten und sich dabei sogar kleine Preise ergattern konnten. Auf diese Art und Weise konnten sich die Schüler viele Informationen des Förderers der sorbischen Sprache merken.