Na našich šulerkow a šulerjow čakaše minjenu srjedu na dnju dźěšća wosebita překwapjenka. W małych skupinkach, kotrež so hižo do toho tworichu, nóžkowachu wuknjacy přez wjes a namakachu z pomocu GPS-nastroja stacije, na kotrychž dyrbjachu potom wšelake nadawki spjelnić. Wšitke stacije je Michał Cyž wot SAEK ze swojimaj praktikantomaj Milu Dźisławkec a Kitom Markom přihotował. W přestawce sydaše za kóždeho słódny lód. Holcam a hólcam so tónle dźeń jara lubješe, dokelž běchu stajnje jara wjesołi, hdyž namakachu přichodnu staciju a hišće bóle, hdyž ju samo zmištrowachu. W skupinje namolowachu potom hišće swójsku chorhoj! Tak nastachu jara rjane skupinske mjena a pisane chorhoje!
: